भदौ १८, २०८१
असोज २२, २०७७
डडेल्धुरा - डडेल्धुराको अमरगढी नगरपालिका– ८ मा किसानलाई ७५ प्रतिशत अनुदानमा आलुको बिउ दिइएको छ । हिउँदमा आलु बाली लगाउने किसानको मागअनुसार आलुको बिउ खरिद गरी वडाले ७५ प्रतिशतमा स्थानीयलाई बाँडेको हो ।
वडा अध्यक्ष नरबहादुर साँकीका अनुसार अन्य स्थानमा ५० प्रतिशत अनुदानमा स्थानीय सरकारले आलुको बिउ किसानलाई बाँडेका बेला अमरगढी ८ नम्बर वडाले भने ७५ प्रतिशत अनुदानमा बाँडेको हो ।
बजारमा अहिले आलुको बिउ प्रतिकिलो ७३ देखि ८० रुपैयाँसम्म छ । प्रधानमन्त्री कृषि आधुनिकीकरण परियोजनाले ५० प्रतिशत अनुदानमा आलुको बिउ उपलब्ध गराउने भएपछि वडाले २५ प्रतिशत रकम व्यहोरेको थियो ।
५० कुन्टल आलुको बिउ बाँडी सकेको उनले बताए । पाँच कुन्टल जती थप माग आएकाले यो सिजनमा ५५ कुन्टल आलुको बिउ बाँड्ने उनले बताए ।
किसान लाई निःशुल्क रुपमा पनि बिउ वितरण गर्न सकिन्थ्यो । उनले भने, निःशुल्क भने भछी लापर्वाही हुने भएकाले २५ प्रतिशत किसान बाट रकम लिईएको हो । ७५ प्रतिशत अनुदानले व्यवसायिक रुपमा आलुखेती गर्ने किसान लाई फाईदा भएको उनले बताए ।
कात्तिक १४, २०८१
