असोज ०७, २०८०
भक्तपुर– चाँगुनारायण नगरपालिकाले अनुदानमा गहुँको बीउ वितरण गर्ने भएको छ । नगरपालिकाले आइतबार एक सूचना जारी गर्दै किसानलाई ५० प्रतिशत गहुँको बीउ वितरण गर्न लागेकाे हाे ।
सूचनाका अनुसार चालू आर्थिक वर्ष २०८०/०८१ को स्वीकृत कार्यक्रमअन्तर्गत ५० प्रतिशत अनुदानमा डब्लु के १२०४ उन्नत जातको गहुँको बीउ वितरण गर्ने नगरपालिकाका कृषि शाखा प्रमुख श्रवणकुमार पासवानले जानकारी दिएका छन् । उक्त कार्यक्रम वडा नं १ देखि ९ सम्मका कृषक, कृषि समूह, कृषि सहकारी संस्थालाई आह्वान गरेकाे उनले बताए ।
इच्छुक कृषक, कृषि समूह, कृषि सहकारी संस्थाले सूचना प्रकाशित मितिले १५ दिनभित्रमा अर्थात् असोज २२ गतेसम्ममा आवश्यक कागजातसहित नगरपालिकामा आवेदन दिन सकिने छ ।
फागुन ३०, २०८०
फागुन ३०, २०८०
फागुन २७, २०८०
कात्तिक १४, २०८१
