कात्तिक ०७, २०८०
काठमाडौं- नेपालले युएईलाई हराउँदै एसिसी यू-१९ प्रिमियर कपको उपाधि जितेको छ ।
युएईलाई डकवर्थ लेविस पद्धतिको आधारमा १९ रनले हराउँदै नेपाल च्याम्पियन बनेको हो । जितको लागि २७ ओभरमा १९८ रनको विजयी लक्ष्य पछ्याएको युएई २६.५ ओभरमा १७८ रनमा अल आउट भयो ।
जितको लागि २८१ रनको विशाल विजयी लक्ष्य पछ्याएको युएईले ११ ओभरमा २ विकेट गुमाउँदै ५० रन बनाउँदा वर्षाको कारण खेल रोकिएको थियो ।
नेपालका आकाश त्रिपाठीले ५ ओभरमा ३६ रन खर्चेर ४ विकेट लिए । सुवास भण्डारीले ३ विकेट, आकाश चन्दले २ विकेट र हेमन्त धामीले एक विकेट लिए ।
त्यसअघि मलेसियाको बायोमास ओभलमा टस जितेर पहिला ब्याटिङ रोजेको नेपालले निर्धारित ५० ओभरमा ८ विकेट गुमाउँदै २८० रन बनाएको थियो ।
नेपालको जीतमा देव खनालले सर्वाधिक शतकीय इनिङ खेलेका थिए । नेपाल उपाधिसहित एसिया कपमा पनि छनोट हुँदा युएई र जापान पनि छनोट भएका हुन् । एसिया कप आगामी डिसेम्बरमा पाकिस्तानमा हुनेछ ।
कात्तिक १४, २०८१
चैत १९, २०८०
कात्तिक १४, २०८१
