काठमाडौं । जनकपुरमा दिनदहाडै रकम लुटिएको छ ।
जनकपुरधाममा सोमबार दिउँसो बैंकबाट रकम झिकेर फर्किदै गरेकी जनकपुरधाम-१ निवासी शर्मिला यादव मिल्सकाे साथबाट दुई लाख रुपैयाँ लुटिएको हो ।
प्रहरीका अनुसार मोटरसाइकलमा आएका दुई जनाले रकम लिएर भागेका छन् ।
साउदीमा रहेका श्रीमान् देवशरणले पठाएको रकम बैंकबाट झिकेर घरतर्फ जान लाग्दा मोनास्टिक स्कुल नजिकै एउटा मोटरसाइकलमा आएका दुई जनाले रकम भएको भोला नै हातबाट लिएर भागेको शर्मिलाले बताएकी छन् ।