भदौ २५, २०८१
भदौ ३१, २०७८
रूपन्देही–प्रतिपक्षी एमालेले अवरोध गरेपछि लुम्बिनी प्रदेशसभा बैठक एक घन्टाका लागि स्थगित भएको छ । सभामुख पूर्णबहादुर घर्तीले नवौँ अधिवेशनको पाँचौँ बैठकको अर्को सेसन एक घन्टापछि सुरु हुने गरी बैठक स्थगित गरिएको जानकारी दिए ।
बैठक सुरु हुनासाथ एमाले सांसदले पार्टीले दुई सांसदलाई कारबाही गरेको पत्र सभामुखले पढेर नसुनाउँदासम्म सदन चल्न नदिइने भन्दै नाराबाजी गरे ।
सभामुख घर्तीले बैठक सुरु गर्नासाथै एमालेले रोस्ट्रम घेराउ गर्दै नाराबाजी गरिरह्यो । नाराबाजी गर्नुअघि प्रदेशसभामा एमाले सांसद आरती पौडेलले पार्टी केन्द्रीय कमिटीले कारबाही गरेका दुई सांसदलाई सभामुखले कारबाही नगर्दासम्म सदन चल्न नदिइने बताइन् ।
नवौँ अधिवेशन सुरु भएदेखि नै एमालेले प्रदेशसभा बैठक निरन्तर अवरुद्ध गर्दै आइरहेको छ ।
कात्तिक १४, २०८१
