भदौ २५, २०८१
भदौ २८, २०७७
कर्णाली प्रदेश सरकारले आफ्ना मातहतका कार्यालयको लेखा नियन्त्रण सहज बनाउन प्रत्येक जिल्लामा प्रदेश लेखा इकाइ कार्यालय स्थापना गरेको छ ।
कर्णाली प्रदेश सरकारले प्रदेश लेखा नियन्त्रक कार्यालयअन्तर्गत कर्णाली प्रदेशका सुर्खेत बाहेक ९ जिल्लामा प्रदेश लेखा इकाइ कार्यालय स्थापना गरेको हो ।
प्रदेशका कार्यालयहरू स्थापना नहुँदा मलेनिकाले कर्णाली प्रदेशका जिल्लास्थित कोष तथा लेखा नियन्त्रक कार्यालयमार्फत लेखाको काममा सहजीकरण गरिरहेको थियो ।
प्रदेश मातहतका कार्यालयको लेखा प्रणाली नियन्त्रण, ब्यवस्थित बनाउन तथा सहजीकरण गर्न आफ्नै कार्यालय स्थापना गरिएको कर्णाली प्रदेशका प्रदेश लेखा नियन्त्रक मानबहादुर बमले जानकारी दिए ।
सुखेतमा प्रदेशबाट हेर्ने गरी बाँकी ९ जिल्लामा प्रदेशको छुट्टै कार्यालय स्थापना गरिएको नियन्त्रक बमले बताए । उनका अनुसार हुम्ला र सल्यानमा कार्यालय स्थापना गरिएको छ भने अन्य जिल्लामा एक साताभित्रै खोलिनेछ ।
नियन्त्रक बमले इकाइ कार्यालय स्थापनाले प्रदेशको अनुदानको खर्चको लेखाजोखा तथा रिपोर्टिङ गर्न र अनुदान खर्चको विवरण पनि यथार्थ जानकारीमा आउनेविश्वास व्यक्त गरे ।
कर्णाली प्रदेशका प्रत्येक जिल्लामा लेखा अधिकृत ७/८ तहको प्रमुख रहने गरी एक जना, ५/६ तहका दुई जना र एक जना कार्यालय सहयोगी रहनेछन् ।
कर्मचारी अभावका कारण जाजरकोट, रुकुम पश्चिम, सल्यान, दैलेख र जुम्ला जिल्लामा कार्यालय प्रमुखमा लेखा अधिकृत ७/८ तथा हुम्ला, मुगु, डोल्पा र कालिकोटमा भने कार्यालय प्रमुखमा अधिकृत ५/६ तहको दरबन्दीमा भएका छैठौं तहका कर्मचारीलाई प्रमुखको जिम्मेवारी तोकिएको तथा सुर्खेतमा भने प्रदेश कार्यालयले नै हेर्ने नियन्त्रक बमको भनाइ छ ।
उनका अनुसार यो वर्षदेखि प्रदेश मातहतका कार्यालयको आन्तरिक लेखापरीक्षण प्रदेश आफैंले गर्नेछ ।
कात्तिक १४, २०८१
