भदौ २४, २०८१
चैत १०, २०७७
बाजुरा- बाजुराको बडिमालिका नगरपालिकामा हाजिर गर्न आएका प्रमुख प्रशासकीय अधिकृत ध्रुवप्रसाद कोइरालाको रातारात सरुवा भएको छ । आइतबार राती सदरमुकाम पुगेका कोइराला एकाएक सरुवामा परेका हुन् ।
बडिमालिका नगरपालिकाको प्रमुख प्रशासकीय अधिकृतका लागि सिफारिस भएर मन्त्रालयबाट आएका कोइराला नगरपालिकामा हाजिर लगाउन नपाउँदै सरुवा भएका हुन् ।
उनलाई मन्त्रालयले पठाएको पत्रअनुसार बाजुराको त्रिवेणी नगरपालिकामा जान निर्णयसहित पत्राचार गरिएको स्रोतले बतायो । संघीय मामिला तथा सामान्य प्रशासन मन्त्रालयका उपसचिव रुपनारायण खतिवडाको हस्ताक्षर रहेको पत्रमा ८ चैत २०७७ को निर्णयअनुसार कोइरालालाई बाजुराको त्रिवेणी नगरपालिकामा खटाइएको बेहोरा उल्लेख छ ।
बडिमालिकाका नगरप्रमुख पदम बडुलले भने यो राजनीतिक रूपमा गरिएको षडयन्त्र भएको प्रतिक्रिया दिए । नगरपालिकामा आएका प्रशासकीय अधिकृतलाई एकै दिनमा सरुवा गरेर षडयन्त्र गरिएको उनको दाबी छ ।
नगरप्रमुख बडुवालले नगरपालिकामा दैनिक कामकाजका लागि अर्काे उपसचिव स्तरको प्रमुख प्रशासकीय अधिकृत नआउँदासम्म कोइरालालाई रमाना नदिइने बताए ।
‘कोइरालाले हाजिर गरिसकेकाले तत्काल अर्काे व्यवस्था नहुँदासम्म रमाना दिँदैनौँ’, बडुवालले भने ।
कात्तिक १४, २०८१
