काठमाडौँ । नेकपा माओवादी केन्द्रका अध्यक्ष पुष्पकमल दाहाल प्रचण्ड सहभागी चुनावी कार्यक्रमस्थल नजिक बम विष्फोट भएको छ।

भोजपुरको पौवादुङमा गाउँ पालिकाको प्याउलीमा प्रचण्ड सहभागी सत्ता गठबन्धनको चुनावी कार्यक्रमस्थल नजिकै एक व्यक्तिले बोकेको बम विस्फोट भएको खबर प्राप्त भएको छ।

भोजपुर जिल्ला प्रशासन कार्यालय विप्फोट भएको पुष्टि गर्दै प्रहरी घटनास्थलमा परिचालन भएको जानकारी दिएको छ। बम कति विष्फोटक थियो र विस्फोट गराउने  व्यक्ति  को थिए भन्नेबारे जानकारी आउन बाँकी नै छ। सत्तारुढ गठबन्धनले सभा गरेको ठाउँ भन्दा २०० मिटर टाढा एउटा होटलको अगाडि बम पड्किएको जिल्ला प्रहरी कार्यालयका डीएसपी शरद थापाले जानकारी दिए।

बम विस्फोट भएपनि कुनै मानवीय क्षति भने भएको छैन। प्रहरीले बम विस्फोटमा संलग्न रहेको आशंकामा एक जनालाई नियन्त्रणमा लिएर अनुसन्धान थालेको छ ।

आज प्रचण्ड प्रदेश १ का विभिन्न स्थानमा आयोजित कार्यक्रममा सहभागी हुने क्रममा भोजपुर पुगेका हुन्।