काठमाडौं । सर्वोच्च अदालतले विजयकुमार गच्छदार, बिक्रम पाण्डेलगायत ९ उम्मेदवारको उम्मेदवारी खारेजीको माग गर्दै परेको रिट खारेज भएको छ ।
न्यायाधीश अनिलकुमार सिन्हाको एकल इजलासले सो रिट खारेज गरिदिएको हो ।
अधिवक्ता अनील आचार्यले विभिन्न फौजदारी मुद्दाका आरोप लागेका नेता प्रतिनिधिसभा चुनावमा उम्मेदवार बनेको भन्दै सर्वाेच्चमा रिट दिएका थिए ।
उनले गच्छदार, पाण्डे, प्रभु शाह, गोविन्दराज जोशी, सरिता गिरी, डिबी तामाङ भन्ने युद्धबिक्रम तामाङ, टेकबहादुर गुरुङ, लक्ष्मी महतो र गगन भन्ने रेवतीराज पुरीको उम्मेदवारी खारेज गराउन माग गरेका थिए ।