जेठ ०३, २०७९
काठमाडौँ । काठमाडौँको शंखरापुर नगरपालिकाको प्रमुखमा जित हात पार्दै राष्ट्रिय प्रजातन्त्र पार्टी (राप्रपा) ले स्थानीय तह निर्वाचनमा खाता खोलेको छ ।
सो नगरपालिकाको मेयर रमेश नापितले सत्ता गठबन्धन तथा नेकपा एमालेका उम्मेदवारलाई पछि पार्दै जित हात पारेका हुन् । अन्तिम मत परिणाम अनुसार उनले गठबन्धनका तर्फबाट एकीकृत समाजवादी उम्मेदवार लक्ष्मीप्रसाद श्रेष्ठलाई हराएका हुन् ।
एमालेको गढ मानिने यो पालिकाको मेयर तथा उपमेयरमा सो दल तेस्रो भएको छ।
साथै राप्रपाले शंकरापुरको २ वडामा समेत जित हात पारेको छ ।
सो नगरपालिकाको उपप्रमुखमा भने काँग्रेसकी समिता श्रेष्ठ विजयी भएकी छन्।
योसँगै काठमाडौँको चौथो नगरपालिकाको नतिजा आएको छ। यसअघि नतिजा आएका दक्षिणकाली, कीर्तिपुर र तारकेश्वर नगरमा काँग्रेसले मेयर पद जितेको छ।
भदौ २४, २०८१
बैशाख २८, २०८१
भदौ २३, २०८१
भदौ ०९, २०८१
भदौ ०९, २०८१
