फागुन ०२, २०७८
काठमाडौं–सभामुख अग्नि सापकोटाले सोमबार दिउँसो बोलाएको सर्वदलीय बैठकमा प्रमुख प्रतिपक्षी एमाले सहभागी नहुने भएको छ । सभामुख सापकोटाले आफ्ना पार्टीका १४ सांसदलाई गरेको कारबाहीको सूचना नटाँसेको भन्दै एमालेले संसद अवरुद्ध गर्दै आएको छ ।
सांसदमाथिको कारबाहीको सूचना टाँस्नुपर्ने र त्यस्तो नगरे सभामुखले निकास दिनुपर्ने एमालेको माग छ । सर्वदलीय बैठकमा आफूहरू नजाने एमाले प्रमुख सचेतक विशाल भट्टराईले बताए । ‘समसामयिक परिस्थिति र महाभियोगबारे छलफल गर्ने भनिएको छ । हामी बैठकमा जाँदैनौँ,’ उनले भने ।
सभामुख सापकोटाले सोमबार २ बजे संसदमा प्रतिनिधित्व गर्ने दलसँग छलफल गर्दै छन् । सभामुखको सचिवालयका अनुसार समसामियक विषयमा छलफल गर्न बैठक बोलाइएको हो ।
यसअघि प्रधानमन्त्री शेरबहादुर देउवाले बोलाएको सर्वदलीय बैठकमा पनि एमाले अनुपस्थित भएको थियो । एमालेबाट फुटेर बनेको नेकपा (एकीकृत समाजवादी) को वैधतामाथि प्रश्न उठाउँदै एमालेले एकीकृत समाजवादी सहभागी हुने बैठकमा वहिष्कार गर्दै आएको छ ।
भदौ २४, २०८१
बैशाख २८, २०८१
भदौ २३, २०८१
भदौ ०९, २०८१
भदौ ०९, २०८१
