कात्तिक ०१, २०७७
रुपन्देही– रुपन्देहीको शुद्धोधन गाउँपालिकाको नवनिर्मित भवनको उद्घाटन गर्ने लुम्बिनी प्रदेशका पर्यटनमन्त्री लिला गिरी आउने कार्यक्रम थियो । तर नेपाली कांग्रेसले शुद्धोधनमा कालोझण्डा देखाउने सुइको मन्त्रीले पाएपछि कार्यक्रमका प्रमुख अतिथि नै फेरिए ।
मन्त्रीको सट्टा सो गाउँपालिकाको नवनिर्मित भवनको रिवन काट्न लुम्बिनी प्रदेशका नेकपाका सांसदलाई तुल्सी प्रसाद चौधरी आए । सोही कार्यक्रममा नेपाली कांग्रेस रुपन्देहीको निर्देशनमा कांंग्रेस शुद्धोधनले विरोध गर्दै प्रदेश सांसद चौधरीलाई कालोझण्डा देखाएका छन् ।
चौधरीले प्रदेशको राजधानी दाङ सार्ने प्रस्तावको पक्षमा मतदान गरेको र जनमतको अपमान गरेको भन्दै कांग्रेसले कालोझण्डा देखाएको जनाएको छ ।
साथै कांग्रेसका निर्वाचित जनप्रतिनिधिले समेत उक्त कार्यक्रम बहिष्कार गरेका छन् । कांग्रेसले भवनको उद्घाटनको विरोध नभई राजधानी सार्ने पक्षमा भोट हाल्ने नेकपाका सांसदको विरोध गरेको जनाएको छ ।
भदौ २४, २०८१
बैशाख २७, २०८१
कात्तिक १४, २०८१
