मंसिर ११, २०८०
दैलेख– भगवतीमाइ गाउँपालिकाको न्यायिक समितिले ८६ प्रतिशत मुद्दाको छिनोफानो गरेको छ । समितिमा हालसम्म दर्ता भएका ३० मध्ये २६ वटा मुद्दाको छिनोफानो गरेको हो ।
गाउँपालिकाकी उपाध्यक्ष तथा न्यायिक समितिकी संयोजक मिनाकुमारी खड्काले समितिमा दर्ता भएको मुद्दामध्ये धेरैको छिनोफानो भइसकेको बताइन् ।
उनका अनुसार समितिमा लेनदेन, घरयासी, जग्गाको साँध मिचेको, पशुचौपायाले बाली खाएको, बारीमा घाँस काटेको, घरेलुहिंसालगायतका मुद्दा दर्ता हुने गरेको छ ।
उनले न्यायिक कार्यलाई सहज बनाउनका लागि स्थानीय बासिन्दालाई समितिबारे जनचेतनामूलक कार्यक्रम सञ्चालन गर्दै आएको बताइन् । साथै पालिकाले न्यायिक समितिका लागि गत वर्ष ५ लाख वजेट विनियोजन गरेको थियो भने चालु आर्थिक वर्षमा घटेर ४ लाख बजेट विनियोजन गरेको छ ।
फागुन २९, २०८०
फागुन २९, २०८०
फागुन २८, २०८०
कात्तिक १४, २०८१
