असार ११, २०८०
मुस्ताङ । घरपझोङ गाउँपालिकाले दुई जना पालिका प्रहरी राख्ने भएको छ । गाउँपालिकाको १२ औं अधिवेशनले पालिकाको बाह्य गतिविधिमा कडा सुरक्षा गर्नको लागि दुई जना पालिका प्रहरी राख्ने व्यवस्था गरेको छ ।
पालिकाको कार्यसम्पादनमा सहज बनाउन गाउँपालिकाले दुई जना ‘पालिका प्रहरीको दरबन्दी राख्ने व्यवस्था गरिएको हो । गाउँपालिकाको १२ औं गाउँसभा अधिवेशनका अवसरमा बिहिबार पालिका अध्यक्ष मोहनसिंह लालचनले आर्थिक वर्ष २०८०/०८१ का लागि नीति तथा कार्यक्रम प्रस्तुत गरे ।
घरपझोङको प्रस्तुत नीति तथा कार्यक्रममा आगामी आर्थिक वर्षका लागि पालिका प्रहरी दरबन्दीको स्वीकृत गरेसंगै पालिका प्रहरी व्यवस्थापन तथा संञ्चालन कार्यविधि निर्माण गरी पालिका प्रहरी परिचालन गर्ने उल्लेख गरिएको छ ।
गाउँपालिकामा पालिका प्रहरी नियुक्ती भएपछि गाउँपालिका भित्रको वातावरण सुरक्षा,विपद् सुरक्षा सहजीकरण,ट्राफिक व्यवस्थापन र सुरक्षा निकायसंगको समन्वय र सहकार्य लगायत आवश्यकता औचित्यता भएका स्थानमा पालिका प्रहरी खटाईने व्यवस्था गरिएको छ ।
फागुन २९, २०८०
फागुन २९, २०८०
फागुन २८, २०८०
कात्तिक १४, २०८१
