फागुन २५, २०८०
तनहुँ– बन्दिपुर गाउँपालिकाले सम्झौताअनुसार समयमा काम सम्पन्न नगरेका तथा सम्पन्न गरि नसक्ने निर्माण व्यवसायीलाई समय अवधि थप गर्न निर्देशन दिएको छ । गाउँपालिकाले नेपाल सरकारको सार्वजनि खरिद (तेह्रौँ संशोधन) नियमावली, २०८० को नियम १२० क अनुसार आयोजनाको अवधि थपका लागि गाउँपालिकामा निवेदन पेस गर्न अनुरोध गरेको हो ।
पालिका मातहतमा ठेक्का लगाइ हालसम्म प्रचलित कानुनबमोजिम म्याद थप रही चालु रहेको र समयमा काम नसकिने देखिएका, सम्झौता अविधिभित्र सम्पन्न हुन नसकेका तथा म्याद थप हुन नसकेका निर्माण कार्यको समयावधि थप गर्न निवेदन माग गरेको हो ।
आयोनाको निर्माण व्यवसायीहरुले पेस गरेको कार्यतालिकाबमोजिम समयमै काम हुन नसकेको कारण खुल्ने पुस्ट्याईँ, संशोधित कार्यतालिका तथा म्याद थपका कारणले थप आर्थिक दाबी नगर्ने प्रतिबद्धतासहित निवेदन पेस गर्नुपर्ने छ ।
थप अवधिको कार्यसम्पादन जमानत, बिमा र पेश्कीसम्बन्धी जमानतको अवधि कायम रहेको सुनिश्चित गरि चैत २० गतेभित्र निवेदन पेस गरि सक्नुपर्ने गाउँपालिकाले जारी गरेको सूचनामा उल्लेख छ ।
फागुन २८, २०८०
फागुन २७, २०८०
कात्तिक १४, २०८१
