धनुषा । धनौजी गाउँपालिकाका शिक्षण संस्थाहरु आजदेखि बन्द हुने भएको छ । पछिल्लो समय गाउँपालिकामा शितलहरसँगै जाडो बढेकाले शैक्षिक संस्था बन्द गर्न लागेको हो ।
गाउँपालिकाको सूचना अनुसार पुष २० गतेदेखि २२ गतेसम्म शैक्षिक संस्था बन्द गर्न लागेको हो । शितलहरका कारण अत्याधिक चिसोले विद्यालयमा पठनपाठन कार्य गर्न असहज हुने भएकोले गाउँपालिकाले तीन दिन सामुदायिक तथा संस्थागत विद्यालय बन्द गर्न लागेको हो ।
२३ गतेपछि पुन कक्षा सञ्चालन हुने गाउँपालिकाले जनाएको छ । सो विदा वर्षे विदामा कटौती हुने गाउँपालिका शिक्षा, युवा तथा खेलकुद शाखाका प्रमुख अनिल कुमार साहूले बताए ।