मंसिर १८, २०७९
खोटाङको साकेला गाउँपालिका–५ मात्तिमबिर्तामा आइतबार बिहान बस दुर्घटना हुँदा चार जना घाइते भएका छन् । मानेभञ्ज्याङबाट दिक्तेल जाँदै गरेको बा ३ ख १८९५ नम्बरको बस मात्तिमबिर्ताको कामीस्वारामा बिहान ८ बजेतिर पल्टिँदा चार जना घाइते भएका हुन् ।
साकेला गाउँपालिका–५ का वडाअध्यक्ष जीवन न्यौपानेका अनुसार दुर्घटनामा सल्यानको शारदा नगरपालिका घर भएका सहचालक मिलन मगर, साकेला गाउँपालिका–३ खिदिमाका २३ वर्षीय दीपेन्द्र तामाङ, ४५ वर्षीया कल्पना राई र ऐंसेलुखर्क गाउँपालिकाकी २८ वर्षीया इन्दिरा पुरी घाइते भएका हुन् ।
ब्रेक फेल भएर सडकमा बस पल्टिएको प्रहरी नायब उपरीक्षक मन्जिल मुकारुङले बताए । घाइतेहरुको अवस्था सामान्य रहेको डिएसपी मुकारुङले बताए । उनीहरुलाई घटनास्थलमा स्वास्थ्यकर्मी बोलाएर सामान्य उपचारपछि जिल्ला अस्पतालमा ल्याइएको छ ।
टाउको, कान, खुट्टामा सामान्य चोट लागेको डिएसपी मुकारुङले बताए । गाडीमा चालक सुदन विश्वकर्मासहित ६ जना सवार थिए ।
चैत २४, २०८०
चैत १३, २०८०
भदौ २३, २०८१
भदौ ०९, २०८१
भदौ ०९, २०८१
