काठमाडाैं । गुल्मीको क्षेत्र नं १ मा नेपाली कांग्रेसका डा चन्द्र भण्डारी विजयी भएका छन् । नेकपा (एमाले)का प्रदीप ज्ञवालीलाई एक हजार ५९२ मतले पछि पार्दै उनी विजयी भएका हुन् ।
यस क्षेत्रमा कूल ६९ हजार छ सय ८३ मत खसेकामा कांग्रेसका भण्डारीले ३३ हजार सात सय ४४ मत पाउँदा भने निकटतम प्रतिस्पर्धी ज्ञवालीले ३२ हजार एक सय ५२ मत पाएका हुन् ।
आज दिउँसो १ बजे सकिएको मतगणनापछि भण्डारीको विजयी घोषणा गरिएको निर्वाचन अधिकृत वसन्तराज पौडेलले बताए । यहाँ कूल एक लाख १९ हजार दुई सय ८८ मतदाता थिए ।
यो विजयसँगेै कांग्रेसका भण्डारी दुई पटक सांसद बनेका छद्द् । उनले २०७० मा पनि यसै क्षेत्रमा जीत हात पारेका थिए। २०६४ देखि सँगसँगै निर्वाचन लडेका ज्ञवाली र भण्डारीले दुई–दुई पटक चुनाव जितेका छन् । विसं २०६४ र ७४ मा भने यस क्षेत्रबाट ज्ञवाली विजयी भएका थिए ।