जेठ २४, २०७९
जुम्ला । जिल्ला समन्वय समिति जुम्लाको निर्वाचनमा कांग्रेस र समाजवादीबीच गठबन्धन भएको छ ।
जिल्ला समन्वय समितिको प्रमुखमा कांग्रेसका गौरिनन्द आचार्य र उपप्रमुखमा समाजवादीका जनक थकाली मनोनयन भएका छन् ।
जेठ २९ गते हुने जिसस निर्वाचनका लागिका लागि कांग्रेस र समाजवादी पार्टीबाट मनोयन दर्ता गरिएको हो । मुख्य निर्वाचन अधिकृतको कार्यालयका अनुसार जिल्ला समन्वय समितिका नौ पदाधिकारी हुने व्यवस्था छ ।
नौ सदस्यीयमध्ये एक उपप्रमुख, एक सदस्य समाजवादी, एक प्रमुख, ६ सदस्य कांग्रेसको तर्फबाट मनोनयन दर्ता भएको हो ।
यहाँ एक नगरपालिका र सात गाउँपालिका छन् । जिल्ला समन्वय समितिको निर्वाचनमा आठ स्थानीय तहको प्रमुख उप्रमुख गरी १६ जनाले मतदान गर्न पाउनेछन् ।
कांग्रेस आठ, माओवादी ६, समाजवादी एक र स्वतन्त्र एक गरी १६ जनाले मतदान गर्ने मुख्य निर्वाचन अधिकृत कार्यालयका सहायक निर्वाचन अधिकृत तोयानाथ उपाध्यायले बताए ।
समाजवादीका थकाली गुठीचौर गाउँपालिका अध्यक्षमा कांग्रेसका दानबहादुर बुढासँग पराजय भोगेका हुन् । अध्यक्षमा पराजय भोगेका थकालीलाई पुन पार्टी कार्यपालिका सदस्यमा सिफारिस गरेपछि जिससको उपप्रमुखमा मनोनयन दर्ता गरेका हुन् ।
फागुन ३०, २०८०
फागुन ३०, २०८०
फागुन २८, २०८०
कात्तिक १४, २०८१
