जेठ १४, २०७९
बाजुर । बाजुराको बुढीनन्दा नगरपालिकाको प्राथमिक स्वास्थ्यकेन्द्र कोल्टीमा आजदेखि आँखा शिविर सञ्चालन भएको छ ।
बुढीनन्दा नगरपालिका, प्राथमिक स्वास्थ्यकेन्द्र कोल्टीको समन्वय तथा गेटा आँखा अस्पताल धनगढीको आयोजनामा कोल्टीमा तीनदिने आँखा शिविर सञ्चालन भएको हो ।
शिविरमा विभिन्न प्रकारका आँखाका रोगीको निःशुल्क उपचार हुने प्राथमिक स्वास्थ्यकेन्द्र कोल्टीले जनाएको छ ।
शिविर सञ्चालन भएको पहिलो दिन अर्थात् आज ६ सय ८२ जनाले सेवा लिएको उपचारमा संलग्न तथा गेटा आँखा अस्पताल धनगढीका नेत्र अधिकृत नरेन्द्र विष्टले बताए ।
जसमा तीन सय ६८ महिला र तीन सय १४ जना पुरुष छन् । शनिबारदेखि तीन दिनसम्म सञ्चालन हुने शिविरमा जलबिन्दु, मोतीबिन्दु, आखाँ कम देख्ने, आखाँमा मासु पलाएको, आँखा रसाउने, बिछाउने, चिलाउने र आँखाको अपे्रसनलगायत सेवा सञ्चालन हुने विष्टले बताए ।
विषेशगरी आर्थिक अवस्था कमजोर भएका ज्येष्ठ नागरीक, अशक्त अपांग र विपन्न वर्गका नागरिकको उपचारमा सहजताका लागि कोल्टीमा शिविरको आयोजना गरिएको उनको भनाइ छ ।
आर्थिक अवस्था कमजोर भएका र त्यसैमा बाजुरा जस्तो दुर्गम क्षेत्रका नागरीकले आँखा उपचारका लागि धनगढी पुग्नुपर्ने वाध्यतालाई ध्यानमा राखी शिविर सञ्चालन गरिएको उनको भनाइ थियो ।
कोल्टीमा तीन वर्षपछि आँखा शिविर बस्दा बिरामीको चाप बढी देखिएको स्वास्थ्यकर्मीले बताएका छन् । आउँदो सोमबारसम्म चल्ने शिविरमा बाजुरालगायत छिमेकी जिल्ला हुम्ला, मुगु र कालीकोटका बिरामीले सेवा पाउने प्राथमिक स्वास्थ्यकेन्द्र कोल्टीका डाक्टर चेतबहादुर धामीले बताए ।
सामान्य आँखा परीक्षणका लागि धनगढी, नेपालगन्ज र काठमाडांैलगायत सुविधिासम्पन्न ठाउँमा जानुपर्ने बाध्यतामा रहेका बाजुराबासीले कोल्टीमा उपचार पाउँदा खुसी भएका छन् ।
फागुन ३०, २०८०
फागुन ३०, २०८०
फागुन २८, २०८०
कात्तिक १४, २०८१
