कात्तिक २६, २०७८
देशभर पालिकामा के भए ? जनप्रतिनिधिले के काम गरे ? कहाँ कसले कस्ता गतिविधि गरे ? दिनभरका खबर
१) सिरहाको विष्णुपुर गाउँपालिकाका अध्यक्ष जागेश्वर यादवले प्रयोग गर्ने सरकारी गाडी जनप्रतिनिधि र स्थानीयले प्रहरीलाई बुझाए, गाडी दुरुपयोग गरेको आरोप ।
२) पहिरोले ज्यान गुमाएकी मन्धरी बलायरको परिवारलाई डोटीको शिखर नगरपालिकाद्वारा राहत रकम प्रदान, एक लाख पाँच हजार रुपैयाँ मृतकको परिवारलाई हस्तान्तरण ।
३) प्रधानाध्यापकको तलबभत्ता रोकेको भन्दै सल्यानको शारदा नगरपालिका वडा नम्बर १३ मा रहेको लक्ष्मी माध्यमिक विद्यालयको पठनपाठन बन्द, विद्यार्थी मारमा ।
४) दाङको घोराही उपमहानगरपालिकाले कृषकलाई ५० प्रतिशत अनुदानमा गहुँको बिउ बितरण गर्न थाल्यो, बिउ लिन कृषि शाखामा सम्पर्क गर्नुपर्ने ।
५) गुल्मीको मुसिकोट नगरपालिकाद्वारा नगरभित्र दिगो विकासका लागि समग्र पक्ष समेटिएको ५ वर्षे आवधिक योजना निर्माण सुरु, योजना निर्माणका लागि एमडी इन्जिनियरिङ कन्सल्टेन्सीद्वारा सहजीकरण ।
६) चितवनको राप्ती नगरपालिकाद्वारा नगर क्षेत्रमा लामखुट्टेको बासस्थान खोजी गरि लार्भा नष्ट गर्ने अभियान जारी, ३० कार्तिकसम्म अभियान चलाइने ।
७) स्याङ्जाको पुतलीबजार नगरपालिकाले कृषकलाई अजौलाको बिउ वितरण गर्ने, इच्छुक कृषकलाई सात दिन भित्र आवेदन दिन सूचना जारी ।
८) क्यूआर कोडसहितको खोप प्रमाणीकरण अब पालिकाबाटै गर्न सकिने, विदेश जानेलाई सेवा लिन सहज हुने ।
९) रुकुम पूर्वको सिस्ने गाउँपालिकामा विद्युत् आयोजना निर्माणका लागि हेलिकोप्टरबाट सामान ढुवानी, पालिका र प्रदेश सरकारको लगानीमा जलविद्युत् आयोजना निर्माणाधीन ।
१०) स्याङ्जाको गल्याङ नगरपालिकामा सभागृह निर्माण, सहरी विकास संघीय आयोजना कार्यान्वयन इकाई कास्कीद्वारा पालिकालाई भवन हस्तान्तरण ।
११) चितवनको भरतपुर महानगरपालिका वडा नम्बर १३ का वडाध्यक्ष प्रकाश दवाडीको कार्यकक्षमा स्थानीयद्वारा तालाबन्दी,२०७५ चैतमा गरिएको राइनोकुञ्ज पर्यटन मेलाको लेखापरीक्षणसहितको खर्च–आम्दानी सार्वजनिक नगरेको आरोप ।
१२) सल्यानको बागचौर नगरपालिकाका वडाध्यक्ष प्रेमबहादुर पुनद्वारा स्थानीय दिल केसीलाई सेवा दिनबाट रोक, सामाजिक सञ्जालमा ‘छोटेराजा लेखेको निउ ।
१३) ललितपुरको महालक्ष्मी नगरपालिकाले पशुपालक कृषकलाई ५० प्रतिशत अनुदानमा विभिन्न प्रविधि हस्तान्तरण गर्ने, इच्छुक कृषकले पशु सेवा कार्यालय लामाटारमा निवेदन दिनुपर्ने ।
१४) स्याङ्जाको वालिङ नगरपालिकाद्वारा कृषकलाई अनुदानमा गहुँको बिउ वितरण, दोस्रो चरणमा १७ क्विन्टल बिउ उपलब्ध गराउने तयारी ।
१५) पाल्पाको तानसेन नगरपालिकाले नयाँ उद्यम गर्न चाहने महिलालाई बिनाधितो ऋण उपलब्ध गराउने, १५ लाख रुपैयाँसम्म ऋण पाइने ।
चैत २४, २०८०
चैत १३, २०८०
भदौ २३, २०८१
भदौ ०९, २०८१
भदौ ०९, २०८१
