देशभर पालिकामा के भए ? जनप्रतिनिधिले के काम गरे ? कहाँ कसले कस्ता गतिविधि गरे ? दिनभरका खबर
१) बझाङको बित्थडचिर गाउँपालिका वडा नम्बर ३ का वडाध्यक्ष नरबहादुर बोहराको निधन, दमको समस्याबाट ग्रसित बोहराको डडेल्धुरा अस्पतालमा उपचारको क्रममा निधन ।
२) खोटाङको दिक्तेल रूपाकोट मझुवागढी नगरपालिकाद्वारा दिक्तेल बहुमुखी क्याम्पसमा अध्ययनरत दलित विद्यार्थीलाई पूर्ण छात्रवृत्ति प्रदान, २९ जना विद्यार्थीले पाए पहिलो चरणमा छात्रवृत्ति ।
३) विजय विकास स्रोत केन्द्र नवलपुरले निर्माण गरेको बाल उपचार कक्ष गैंडाकोट नगर अस्पताललाई हस्तान्तरण, कोभिड-१९ बाट बालबालिकालाई सुरक्षित राख्न उपचार कक्षले सहयोग पुग्ने ।
४) स्याङ्जाको आँधीखोला गाउँपालिकाले कृषकलाई ५० प्रतिशत अनुदानमा जै घाँसको बिउ वितरण गर्ने, बिउ लिन कृषकले पशु शाखामा सम्पर्क गर्नुपर्ने ।
५) मकवानपुरको हेटौंडा उपमहानगरपालिका वडा नम्बर १५ मा पर्ने विकट गाउँ कर्णेखोला, र घट्टेदमार क्षेत्रमा पुगे नगरप्रमुख हरिबहादुर महत, वडामा भएका समस्या समाधान गर्न पालिकाले तत्कालै काम सुरु गर्ने ।
६) तनहुँको घिरिङ गाउँपालिकाले सामुदायिक विद्यालयमा लेखा परीक्षण गर्न लेखा परीक्षकसँग निवेदन माग्यो, इच्छुकले १५ दिन भित्र पालिकामा निदेदन बुझाउनु पर्ने ।
७) ललितपुरको गोदावरी नगरपालिकाको आयोजनामा नक्सापास सम्बन्धी दुई दिने तालिम सुरु, तालिममा इन्जिनियरहरूको सहभागिता ।
८) राष्ट्रिय जनगणनाका लागि झापाको कनकाई नगरपालिका र झापा गाउँपालिकाका लागि छनोट भएका गणकहरुका लागि चार दिने तालिम जारी, गणकले कात्तिक २५ देखी मंसीर ९ गतेसम्म घरघरमा गएर तथ्यांक संकलन गर्ने ।
९) धनुषाको मिथिला नगरपालिका वडा नम्बर १ स्थित सडकमा भइरहेको ग्राभेलको काममा स्थानीयले अवरोध गरे, गुणस्तरहिन ग्राभेल प्रयोग गरेको स्थानीयको आरोप ।
१०) डाक्टर भगवान कोइरालाको नेतृत्वमा निर्माण भइरहेको काठमाडौं इन्स्टिच्युट अफ चाइल्ड हेल्थलाई काठमाडौं महानगरपालिकाले ४ करोड रुपैयाँ सहयोग गर्ने, चाइल्ड हेल्थ र महानगबीच सम्झौता ।
११) भक्तपुरको चाँगुनारायण नगरपालिकाद्वारा विभिन्न पसल तथा होटलमा अनुगमन, दुवाकोट क्षेत्रमा अनुगमन गर्दा किराना पसलले म्याद गुज्रेको खाद्य सामाग्री र मासु बिक्री गर्ने कोल्ड स्टोरले फोहोर मासु बिक्री गरेको पाइयो ।
१२) जुम्लाको गुठीचौर गाउँपालिकाले दिन थाल्यो एकल पुरुषलाई भत्ता, ४१ देखि ५९ वर्षसम्मका एकल पुरुषले मासिक दुई हजार रुपैयाँ भत्ता पाउने ।
१३) जाजरकोटको भेरी नगरपालिकाले ७५ प्रतिशत अनुदानमा कृषकलाई उन्नत जातको गहुँको बिउ बितरण गर्न थाल्यो, बिउ लिन कृषि शाखामा सम्पर्क गर्नुपर्ने ।
१४) बेमौसमी वर्षाका कारण बझाङको थलारा गाँउपालिकामा गएको पहिरोमा परि बेपत्ताको खोजीका लागि गएको टोली फिर्ता, १९ जनाको अवस्था पत्ता नलाग्दै खोजीकार्य बन्द ।
१५) डडेलधुराको परशुराम नगरपालिकाले नदीजन्य पदार्थ उत्खनन तथा संकलन कार्यमा रोक लगायो, अटेर गर्नेलाई पालिकाले कारबाही गर्ने ।
१६) धनकुटा नगरपालिकाले आगामी मंसिर महिनामा एभोकाडो महोत्सव सञ्चालन गर्ने, पालिकाले १७ कार्तिकमा महोत्सव सञ्चालनका विषयमा सरोकारवालासँग छलफल गर्ने ।
१७) ल्याण्डफिल साइट पस्मराङमा सार्ने निर्णय विरुद्ध कस्कीको पोखरा महानगरपालिका वडा नम्बर २० का स्थानीय आन्दोलित, खानेपानीको मुहान भएकाले त्यहाँ फोहोर फाल्न नहुने स्थानीयको माग ।
१८) भक्तपुर नगरपालिकाको विश्व सम्पदा स्थल क्षेत्रभित्र रहेको विद्यार्थी निकेतन माध्यमिक विद्यालय परिसरमा प्राचीन भग्नावशेष फेला परे, पानी ट्याङ्की बनाउन विद्यालय प्रशासनले खनेको थियो खाडल ।
१९) गुल्मीको इस्मा गाउँपालिकाले माग्यो कारारमा एक जना इन्जिनियर, १५ दिनभित्र दरखास्त दिन सूचना जारी ।
२०) काठमाडौंको गोकर्णेश्वर नगरपालिकाको आयोजनामा पञ्च दिवसीय वैदिक कर्मकाण्ड प्रशिक्षण सम्पन्न ।