जेठ १५, २०७८
तनहुँ- लगातार केही दिनदेखि परिरहेको झरीले तनहुँमा बाढीपहिरोको त्रास बढाएको छ । गए राती पहिरो खसेर १ जनाको मृत्यु भएको छ ।
व्यास नगरपालिका वडा नम्बर १ निर्मलनगर टोलको छाब्दी दोभानमाथिको बस्तीमा पहिरो खस्दा ६२ वर्षीया वृद्धा सरस्वती घर्तीको मृत्यु भएको हो ।
घर पछाडिपट्टिको ठूलो ढुंगा खसेर घर भत्किएर च्यापिँदा उनको मृत्यु भएको वडाध्यक्ष खरसिं दरैले बताए । ‘त्यहाँबाट उद्धार गरेर अस्पताल लैजाँदा बाटोमै मृत्यु भयो’, उनले भने ।
ती वृद्धासहित ५ जनाको परिवार घरमा सुतिरहेका थिए । घर भत्किएपछि अन्य ४ जना भने भागेर ज्यान जोगाउन सफल भएको वडाध्यक्ष दरैले जानकारी दिए ।
अरू ४ जना सकुशल छन् । घरको पछाडिपट्टिको भाग भत्किएर पूर्ण रूपमा क्षति पुगेको छ ।
चैत २४, २०८०
चैत १३, २०८०
भदौ २३, २०८१
भदौ ०९, २०८१
भदौ ०९, २०८१
