भदौ २५, २०८१
असोज ०८, २०८०
भक्तपुर - चाँगुनारायण नगरपालिकाका नगरप्रमुख जीवन खत्रीले नेपाल इन्जिनियरिङ कलेज (नेक)लाई निजी बन्न नदिने बताएका छन् । कलेजको २९ औँ बार्षिकउत्सवमा आयोजित कार्यक्रममा सहभागी भएका नगरप्रमुख खत्रीले यस्तो बताएका हुन् ।
कलेज निजी या गैरनाफामुखी रुपमा सञ्चालित भन्ने विषयमा लामो समयदेखि विवाद चल्दै आएको उनले बताए । सो विवाद समाधान गर्नको लागि आफ्नो अध्यक्षतामा नेपाल सरकार शिक्षा, विज्ञान तथा प्रविधि मन्त्रालयले सञ्चालक समिति गठन गरेको र सोही अनुरुप काम भइरहेको उनले सुनाए ।
कलेजलाई गैरनाफामुखी बनाउन र पालिकाको शैक्षिक क्षेत्रलाई उकास्न आफू सधैँ तत्पर रहेको उनले बताए । सामुदायिक कलेज बनाउनका लागि आफू जेलमा जानु परेपनि तयार रहेको उनको भनाइ छ । कलेज नगरपालिकाको वडा नम्बर ४ को दुवाकोटमा सञ्चालित छ ।
कात्तिक १४, २०८१
