भदौ २७, २०८१
असोज १०, २०७९
काठमाडौं । धनुषााको क्षिरेश्वरनाथ नगरपालिकाका नगरप्रमुख सुखदेव यादवले जनप्रतिनिधिका स्वार्थका कारण नगरवासीले दुःख पाउन नहुने बताएका छन् ।
यसअघि पनि नगरप्रमुख भएका यादवले जनप्रतिनिधिको असहयोगका कारण नगर विकासका लागि उल्लेख्य काम गर्न नसकेको बताउँदै यस्तो बताएका हुन् । नगरको विकासमा कर्मचारीबाट सहयोग भए पनि आफूले जनप्रतिनिधिबाट सहयोग नपाएको उनको गुनासो छ ।
जनताले पुनः निर्वाचित गरे पनि आफ्नो पपुलारिटीलाई कम गर्न कर्मचारी खोजिएको उनको आरोप छ ।
‘कर्मचारीसँगको सम्बन्ध राम्रो छ र गुनासो पनि छैन । तर, जनप्रतिनिधिसँग बाझाबाझ भइरहेको छ । नगरपालिकामा काम गर्न मैले दुख पाए पनि जनताले दुख पाउनु भएन,’ उनी भन्छन् ।
जनताका आवश्यकताबारे बुझ्न सार्वजनिक बिदाका दिन घरघर आफू पुग्ने गरेको उनले बताए । कृषि पेसालाई जोड दिएको बताउँदै उनले पानीको समस्या समाधानका लागि बाँध बनाउने योजना रहेको सुनाए ।
त्यसैगरी, युवा बेरोजगार निर्मूलका लागि सीपमूलक कार्यक्रम अघि सारेको उनले बताए ।
भदौ २३, २०८१
भदौ ०९, २०८१
भदौ ०९, २०८१
