भदौ २५, २०८१
कात्तिक ०८, २०७८
रूपन्देही–रूपन्देहीको सैनामैना नगरपालिका प्रमुख चित्रबहादुर कार्कीले वर्षाका कारण धानबालीमा क्षति पुगेका गरिब तथा विपन्न परिवारका किसानलाई राहत उपलब्ध गराइने बताएका छन् ।
कार्कीले बेमौसमी वर्षाका कारण सैनामैनामा धानबाली नष्ट भएको बताउँदै विपन्न किसानलाई राहत उपलब्ध गराइने प्रतिबद्धता जनाएका हुन् । नगरमा धानबालीको क्षतिबारे विवरण संकलनसँगै अनुगमनमा तीव्रता दिइएको बताए । उनले भने, ‘हामी किसानको खेतबारीमा जान्छौँ । वर्षाले धानबालीमा पुर्याएको क्षति अनुगमन गरी किसानलाई सक्दो राहत उपलब्ध गराउनेछौँ ।’
कार्कीका अनुसार क्षति विवरण संकलनपछि सैनामैनाको विपद् व्यवस्थापन समितिमार्फत सक्दो सहयोग उपलब्ध गराइनेछ । अनुगमन नगरपालिका र वडा कार्यालय सबैबाट भइरहेको र क्षतिका आधारमा राहत दिइने उनको भनाइ छ । लुम्बिनी प्रदेश सरकारले पनि क्षति भएको धानको सक्दो राहत उपलब्ध गराइने जनाएको छ ।
कात्तिक १४, २०८१
