भदौ २५, २०८१
फागुन ०४, २०७७
महोत्तरी– महोत्तरीको सम्सी गाउँपालिकामा अध्यक्ष र उपाध्यक्षको मनमुटावले विकास निर्माणका गतिविधि प्रभावित हुने अवस्था सिर्जना भएको छ । अध्यक्ष शेष फारुक र उपाअध्यक्ष नागिना देवीबीचको झगडा सतहमै छताछुल्ल भएपनि विकास निर्माणका काम प्रभावित हुन थालेका हुन् ।
अध्यक्ष फारुकले छलफलबिनै मनपरी निर्णय गर्ने र अधिकारमा समेत हस्तक्षेप गरेको उपाध्यक्ष नागिनाको आरोप छ । अध्यक्ष फारुकले हरेक विषयमा हस्तक्षेप गरेको बताउँदै उपाध्यक्ष नागिनाले भनिन्, ‘अध्यक्षले म निर्वाचित जनप्रतिनिधि भए पनि थाहै नदिई एकलौटी निर्णय हुन गरेको छ ।’
तर, गाउँपालिका अध्यक्ष फारुक भने उपाध्यक्ष नागिनाको काम, कर्तव्य र अधिकारमाथि अहिलेसम्म कुनै हस्तक्षेप नगरेको बरु कोभिड–१९ महामारी नियन्त्रणमा अहोरात्र खटे पनि सहयोग नगरेको दाबी गर्छन् ।
अध्यक्ष र उपाध्यक्ष आमनेसामने भएपछि गाउँपरिषद् सभालाई जनकपुरस्थित उच्च अदालतले रोक्न आदेशसमेत दिएको थियो । गाउँसभाका सद्स्यहरूको हस्ताक्षर बटुलेर बहुमतको आधारमा आफूलाई थाहै नदिई परिषद् बोलाएपछि अदालतमा मुद्दा हालेको उपाध्यक्ष नागिनाले बताइन् ।
नेकपाजस्तै सम्सीका अध्यक्ष र उपाध्यक्षको झगडाले टुटफुटको अवस्था सिर्जना गरेको छ । अचम्म के भने दुवै जनप्रतिनिधि तत्कालीन माओवादी केन्द्रबाट निर्वाचित भएका हुन् । अध्यक्ष र उपाध्यक्षबीचको किचलोको प्रभाव सम्सीका ७ वटै वडामा देखिँदै गएको छ ।
‘कुनै बैठक वा छलफल आयोजना गर्दा अध्यक्ष उपस्थित भए उपाध्यक्ष नहुने र उपाध्यक्ष भए अध्यक्ष नहुने समस्याले कैयौँ निर्णयसमेत ओझेल परिरहेका छन्’, वडा नम्बर ६ का शेख उमरले भने ।
न्यायिक समिति संयोजक उपाध्यक्ष स्वयं भए पनि न्यायिक छलफलमा सहभागी नबन्दा सेवा प्रभावित भएको जनगुनासो बढ्न थालेको छ ।
कात्तिक १४, २०८१
