असोज ३०, २०७७
डडेल्धुरा - जिल्लामुकाममा पर्ने मुख्य महाकाली राजमार्गअन्तर्गतको बागबजार-कीर्तिपुर सडक स्तरोन्नतिका लागि सबै राजनीतिक दलले सरोकारवाला निकायसँग सहयोग मागेका छन् । बागबजार-कीर्तिपुर सडकमा चाप बढेपछि विस्तारका लागि डडेल्धुराका राजनीतिक दलले एकै आवाजसहितको माग राखेका हुन् ।
सडकको बढ्दो चाप व्यवस्थित गर्न २ पटक टेण्डर आह्वान भई रद्ध भएको बागबजार-कीर्तिपुर सडक विस्तारका लागि नेपाली कांग्रेसको अगुवाइमा अमरगढी नगरपालिकासहित सबै राजनीतिक दल सम्मिलित सर्वदलीय बैठक सम्पन्न भएको छ ।
बैठकमा सडक विस्तारका क्रममा पेचिलो बनेको मुआब्जा विषयलाई सर्वदलीय सहमतिमा टुंगिएको जानकारी दिइएको थियो । सडक क्षेत्रको १५/१५ मिटर दाँया-बाँया स्तरोन्नति गरी आवजाउलाई सहज बनाउन सबै पक्ष एकमत भएका छन् ।
यसअघि ३ किलोमिटर सडक विस्तार गर्न ४४ करोड बराबरको टेण्डर आह्वान गरिएको थियो । सडक दाँया-बाँया साढे ७ मिटर फराकिलो बन्नेछ ।
भदौ २७, २०८१
भदौ १८, २०८१
कात्तिक १४, २०८१
