कात्तिक २१, २०८०
रुकुम पश्चिम - बाँफिकोट गाउँपालिकाको वडा सरकारले ३० दिनभित्र जन्मदर्ता गराउने अभिभावकलाई एक क्यारेट अण्डा निःशुल्क वितरण गर्ने भएको छ । गाउँपालिकाको चार वटा वडा कार्यालयले सो कार्यक्रम सञ्चालनमा ल्याएको हो ।
गाउँपालिकाको प्रमुख प्रशासकीय अधिकृत दुर्गबहादुर ओलीका अनुसार पालिकाको वडा नम्बर २, ६, ७ र १० ले सो कार्यक्रम सञ्चालनमा ल्याएको हो । बाँकी ६ वटा वडा कार्यालयले साे कार्यक्रमकाे लागि बजेट विनियाेजन नगरेकाे उनकाे भनाइ छ । शिशु जन्मिएको ३० दिनभित्र सम्बन्धित वडा कार्यालयमा गई जन्मदर्ता गरेमा एक क्यारेट अण्डा वितरण गरिने उनले पालिकाखबरलाई सुनाए ।
चार वटा वडा कार्यालयले चालु आर्थिक वर्षदेखि सो कार्यक्रम सञ्चालनमा ल्याएको उनको भनाइ छ । वडा कार्यालयले संघीय सरकारको सर्सत कार्यक्रमबाट अण्डा वितरण गरिएको उनले सुनाए ।
शिशु जन्मिएको ४५ दिनभित्र जन्मदर्ता गरेमा छोरी खाता सञ्चालन गर्न र व्यक्तिगत घटना दर्ता गराउनका लागि सो कार्यक्रम ल्याएको उनले जानकारी दिए ।
फागुन २९, २०८०
फागुन २८, २०८०
फागुन २८, २०८०
कात्तिक १४, २०८१
