मंसिर २१, २०७८
काठमाडौं– नेपालमा हालसम्म ८७ लाख बढीले कोरोना भाइरसविरुद्धको पूर्ण मात्रा खोप लगाएको स्वास्थ्य मन्त्रालयले तथ्यांक सार्वजनिक गरेको छ । मन्त्रालयका अनुसार मंगलबारसम्म ८७ लाख ८० हजार ४३३ जनाले पूर्ण मात्रा खोप लगाएका हुन् ।
यस्तै, पहिलो डोज मात्रै खोप लगाउनेको संख्या १ करोड ५० लाख ४ हजार ७६४ पुगेको छ । पहिलो र दोस्रो डोज गरी हालसम्म १ करोड ९२ लाख ८५ हजार १९७ मात्रा खोप लगाइसकेको मन्त्रालयले बताएको छ ।
मन्त्रालयका अनुसार पछिल्लो २४ घन्टामा १ लाख २७ हजार ७५३ मात्रा खोप लगाइएको छ । पछिल्लो २४ घन्टामा ३१५ जनामा कोरोना संक्रमण पुष्टि भएको छ भने सोही अवधिमा ३०४ जना निको भएका छन् । २ जनाको मृत्यु भएको छ । पछिल्लो २४ घन्टामा ११ हजार ८१० जनाको नमुना परीक्षण भएको थियो ।
भदौ २५, २०८१
चैत १२, २०८०
फागुन २९, २०८०
भदौ २३, २०८१
भदौ ०९, २०८१
भदौ ०९, २०८१
