असोज ०४, २०७८
ताप्लेजुङ–चिकित्सकको व्यवस्था भए पनि बिरामीका लागि चाहिने औषधी खरिदका लागि अन्यत्र जानुपर्ने बाध्यता हटाउन ताप्लेजुङको सिरिजंगा गाउँपालिकाले प्राथमिक स्वास्थ्य केन्द्र तेल्लोकमा फार्मेसी सेवा सुरु गरेको छ ।
चिकित्सकको सिफारिसमा सुपथ मूल्यमा प्राथमिक स्वासथ्य केन्द्रबाटै बिक्री गर्ने गरी सञ्चालनमा ल्याइएको फार्मेसीका लागि गाउँपालिकाले ५ लाख रुपैयाँ बिउ पुँजी रकम उपलब्ध गराएको छ ।
गाउँपालिकाले प्राथमिक स्वास्थ्य केन्द्र तेल्लोकका लागि रिक्त १ जना चिकित्सकलाई थप प्रोत्साहन रकम दिने तथा र फार्मेसी सञ्चालनका लागि १ जना फर्मासिस्टलाइ करार सेवामा नियुक्त गरेको छ ।
पालिकाका प्रमुख प्रशासकीय अधिकृत सन्तोष घिमिरेले चिकित्सकको सिफारिसमा सशुल्क पाइने औषधी खरिदका लागि अन्यत्र जानुपर्ने बाध्यता हटाउन गाउँपालिकाले फार्मेसी सञ्चालन गर्न बिउ पुँजी उपलब्ध गराएको हो ।
सशुल्क पाइने औषधी खरिदका लागि अन्यत्र जाँदा नागरिकको समय र लागत बढ्ने भएकाले यो अवस्था अन्त्यका लागि गाउँपालिकाले फार्मेसी सञ्चालनमा ल्याउन सहयोग गरेको उनले जानकारी दिए ।
पालिकाको केन्द्रमा रहेको प्राथमिक स्वास्थ्य केन्द्रमै फार्मेसी सेवा सुरु गरिएको घिमिरेले बताए । फार्मेसी सेवामार्फत स्वास्थ्य बिमा कार्यक्रम कार्यान्वयनमा समेत सघाउ पुग्ने गाउँपालिकाको विश्वास छ ।
शिक्षा, स्वास्थ्य, स्थानीय क्षेत्रमै रोजगारी, टोल विकास संस्थामार्फत सामाजिक कार्यमा योगदान दिने वातावरण सिर्जना, निःशुल्क डाक्टरी र प्राविधिक जनशक्ति उत्पादनका लागि सालिन्दा प्रत्येक वडाका १–१ जनालाई निःशुल्क प्राविधिक शिक्षालगायत व्यवस्था गर्दै आएको पालिकाले ‘म स्वस्थ, मेरो गाउँ स्वस्थ’ कार्यक्रम सञ्चालनमा ल्याएको छ ।
जनशक्ति व्यवस्थापन र फार्मेसी सेवा सञ्चालन सोही कार्यक्रमको केही अंश भएको प्रमुख प्रशासकीय अधिकृत घिमिरेको भनाइ छ ।
फागुन २९, २०८०
फागुन २८, २०८०
फागुन २८, २०८०
कात्तिक १४, २०८१
