हुम्ला– लामो समय ग्रीनजोनका रुपमा रहेको हुम्ला जिल्लामा कोरना संकमण देखा परेपछि कोरोना भाइरस (कोभिड–१९) सक्रमितको उपचारका लागि सिमकोट गाउपालिकाले मंगलकार देखि आइसोलेसन केन्द्र सञ्चालनमा ल्याएको छ । सिमकोट गाउपालिकाले रानिबनस्थित पुरानोे चिता नेपालको भवनमा आइसोलेसन सञ्चालन गरेको हो ।

जिल्ला सदरमुकाम रहेको सिमकोट गाउपालिकामा  कोरोना संक्रमण समुदायमा फैलिन थालेपछि सिमकोट गाउपालिकाले १० श्याको आइसोलेसन केन्द्र सञ्चालन ल्याएको  गाउपालिका अध्यक्ष पदम बहादुर लामाले जानकारी दिए ।

सरकारले निर्धारण गरेको मापदण्डअनुसार तयार गरिएको उक्त आइसोलेसनमा गाउपालिकाले घरमा आइसोलेसन सम्भव नभएका कोरोना संक्रमितलाई राखिने छ ।

सिमकोट रानिबन आइसोलेसन केन्द्रको २ वटा भवन रहेको एक भवनमा महिला कक्ष, अर्को भवनमा पुरुष कक्ष, महिला कक्ष छ । भवनको भुई तल्लामा जोखिममा रहेका, ज्येष्ठ नागरिक, बालबालिका र गर्भवतीलाई रादिने छ ।  

आइसोलेसनमा प्रत्येक संक्रमितका लागि निःशुल्क  वाईफाई, अलग–अलग पानी तताउने इलेक्ट्रिक जग, मोबाइल चार्जको छुटाछुटै एक्सटेन्सन वायर, म्युजिक सिस्टम र प्रत्येक व्यक्तिको लागि पत्रपत्रिका, छुट्टाछुट्टै थर्मोमिटर, पल्स अक्सिमिटर र पीपीई सेटको व्यवस्था गर्नुका साथै दैनिक चार छाक पोषणयुक्त खाना र खाजा खुवाइने गाउपालिका अध्यक्ष लामाले वताए ।

आइसोलेसन केन्द्र रानिबनका लागि प्रत्येक दिन दुई नर्स र ६ जना टेक्निसियन एक एचए दुई जना कार्यालय सहायक  र एक डाक्टरले सेवा प्रवाह गर्नेछन् ।

संक्रमितका लागि होम आइसोलेसन व्यवहारिक नभएको ठहर गर्दै गाउपालिकाले छुट्टै आइसोेलेसनको व्यवस्था गरेको हो ।

लामो समय ग्रीनजोनका रुपमा रहेको हुम्लामा पछिल्लो समय देखिएको कोरोना संक्रमणको उच्च जोखिमलाई लिएर सिमकोट गाउँपालिकाले हवाई मार्गबाट आउने यात्रुको ट्रयाकिङ गर्ने भएको छ ।

जिल्ला कोभिड व्यवस्थापन केन्द्र र सिमकोट गाउँपालिकाबीच भएको छलफलमा गाउँपालिकाले हरेक दिन हवाई माध्ययमबाट आएका यात्रुको रेकर्ड लगेर सम्बन्धित वडाका अध्यक्ष मार्फत यात्रुहरुको निगरानी गर्ने भएको हो ।

जिल्ला बाहिरबाट आएका यात्रुलाई अनिवार्य सात दिन क्वारेन्टिनमा बसाउने व्यवस्थाका लागि पनि हवाई यात्रुहरुको विवरण संकल गर्ने गाउँपालिकाका अध्यक्ष पदमबहादुर लामाले जानकारी दिए ।