असोज १२, २०७७
रौतहट - रौतहटको गौर नगरपालिका वडा-१ र वडा-५ मा निर्माण भएको आधारभूत स्वास्थ्य सेवा केन्द्र सञ्चालनमा आएको छ । स्वास्थ चौकी भवन उद्घाटन नगरपालिका प्रमुख अजयकुमार गुप्ताले गरेका हुन् ।
स्थानीय स्तरमा सहज स्वास्थ्य सेवा प्रवाह गर्ने उद्देश्यले निर्माण गरिएका ती भवन १ तले रहेका छन् ।
गौरमा एउटा मात्र जिल्ला अस्पताल रहेकाले स्वास्थ्य सेवामा पहुँच नहुने समुदायलाई स्थानीय स्तरमै स्तरीय प्राथमिक सेवा पुर्याउने लक्ष्य रहेको नगरप्रमुख गुप्ताले बताए ।
कार्यक्रममा वडा–१ का वडाध्यक्ष भरत साह र ५ नम्बर वडाका वडाध्यक्ष रामस्वार्थ राय यादव पनि सहभागिता थियो ।
नगरप्रमुख गुप्ताले नगरपालिकाका ६ वटै वडामा नयाँ स्वास्थ्य केन्द्रको भवन निर्माण गरिने लक्ष्य रहेको बताए । हालसम्म ४ वटा भवन बनिसकेको उनको भनाइ छ ।
‘नगरबासीले आफ्नै ठाउँमा स्तरीय स्वास्थ्य सेवा लिन पाउन् भनेरै स्वास्थ्य केन्द्रका भवन निर्माण गरिएको हो’, नगरप्रमुख गुप्ताले भने । नियमित सञ्चालन आएका आधारभूत स्वास्थ्य सेवा केन्द्रमा १ अहेव र १ अनमीले स्थानीयलाई सेवा दिनेछन् ।
फागुन २९, २०८०
फागुन २८, २०८०
फागुन २८, २०८०
कात्तिक १४, २०८१
