फागुन ०२, २०८०
सुनसरी - स्थानीय तहको संस्थागत क्षमता स्वमूल्यांकन (लिजा) मा बराहक्षेत्र नगरपालिका जिल्लाकै उत्कृष्ट भएको छ । नगरपालिकाले लिजाको १०० पूर्णाङ्कमध्ये आर्थिक वर्ष २०७९/०८० मा ९१ अंकसहित जिल्लाकै उत्कृष्ट भएको हो ।
नगरपालिकाको सूचना अधिकारी गौरी रायका अनुसार लिजामा पालिका जिल्लाकै उत्कृष्ट हुनुका साथै नतिजामा सुधारसमेत भएको छ । नगरपालिकाले आर्थिक वर्ष २०७८/०७९ मा करिब ७८ अंक ल्याएको उनले पालिकाखबरलाई सुनाए ।
लिजामा राम्रो नतिजा ल्याएसँगै पालिकामा अवसर र चुनौती भएको उनले बताए । राम्रो नतिजा भएको आगामी वर्षमा पनि सोही अनुरुप काम गर्न दबाब आउने उनको भनाइ छ । आगामी वर्ष सतप्रतिशत अंक ल्याउन आफूहरुले प्रयास गर्ने उनले सुनाए ।
नगरपालिकामा जनप्रतिनिधि र कर्मचारीबीच समझदारी र सहकार्यमा कार्य भएकाले सो नतिजा प्राप्त गर्न सकेको उनले बताए । स्थानीय तहमा सेवा प्रवाहलाई छिटो, छरिटो र पारदर्शी रुपमा गर्न सकेमा राम्रो नतिजा ल्याउन सक्ने उनको भनाइ छ ।
फागुन २९, २०८०
फागुन २९, २०८०
कात्तिक १४, २०८१
