भदौ २७, २०८१
मंसिर ०२, २०७७
ताप्लेजुङ– ताप्लेजुङको पाथीभरा याङ्बरक गाउँपालिकाले शिक्षक दरबन्दी मिलान सम्पन्न गरेको छ । पालिकाभित्र पुल दरबन्दीमा कार्यरत ९ शिक्षकलाई अर्को विद्यालयमा मिलान गरिएको पालिकाका शिक्षा अधिकृत लासाङ तामाङले जानकारी दिए ।
दरबन्दी मिलान पूरा गर्ने पाथीभरा याङ्बरक जिल्लाकै पहिलो पालिका बनेको उनले दाबी गरे । पालिकाले शारदा माध्यमिक विद्यालय थुम्बेदिनको रिक्त प्राथमिक तहको दरबन्दी त्यहीँकै जनता आधारभूत विद्यालयमा मिलान गरेको हो ।
लक्ष्मी आधारभूत विद्यालय र कालिका मावि नाङ्खोल्याङको रिक्त प्राथमिक तहको दरबन्दी डुम्रिसेस्थित सिद्धेश्वरी माविमा मिलान गरिएको तामाङले बताए ।
कालिका मावि नाङ्खोल्याङको रिक्त प्राथमिक तहको अर्को दरबन्दी नाङ्खोल्याङकै हिमालय माविमा र लक्ष्मी आवि नाङ्खोल्याङको दरबन्दी थेचम्बु आवि थेचम्बुमा मिलान गरिएको छ ।
यस्तै, युवा मावि नाङ्खोल्याङको रिक्त प्राथमिक तहको दरबन्दी त्यहीँकै लक्ष्मी माविमा, सरस्वती मावि नाङ्खोल्याङको दरबन्दी महाकाली मावि थेचम्बुमा, विश्वज्योति मावि नाङ्खोल्याङको दरबन्दी थेचम्बु मावि थेचम्बुमा र सिद्धकुमारी मावि तिरिङ्गेमा मिलान गरिएको पाथीभरा याङ्बरक गाउँपालिकाको शिक्षा शाखाले जनाएको छ ।
‘गाउँ शिक्षा समिति र गाउँ कार्यपालिका बैठकले मिलानका लागि दिएको कार्यादेशअनुसार दरबन्दी मिलान पूरा गरी त्यसको जानकारी दुवै निकायमा पठाइसकेका छौं’, शिक्षा अधिकृत तामाङले भने ।
कात्तिक १४, २०८१
