फागुन २२, २०८०
चितवन- इच्छाकामना गाउँपालिकामा १२० वटा कुकुरको स्थायी बन्ध्याकरण गरिएको छ । छाडा सामुदायिक कुकुरहरुको बन्ध्याकरण गरिएको गाउँपालिकाले जनाएको छ ।
गाउँपालिका पशुपंक्षी विकास शाखा प्रमुख पशुचिकित्सक डा. सुनिल ज्ञवालीका अनुसार सामुदायिक कुकुरहरुको वृद्धिलाई रोक्न र कुकुरले टोकेमा रेविज नलागोस भनेर गाउँपालिकाले बन्ध्याकरणसहित खोप लगाइएको हो । गाउँपालिकाको वडा नम्बर ३, ४, ५ र ६ को हाइवे क्षेत्रमा रहेका सामुदायिक कुकुरहरुको बन्ध्याकरण गरिएको हो ।
बन्ध्याकरणसँगै ती कुकुरहरुको उपचार समेत गरिएको छ । यस अघि गाउँपालिकाले असोज महिनामा घरपालुवा र सामुदायिक गरी एक हजार ७०० कुकुरलाई रेविजविरुद्धको खोप लगाएको थियो । इच्छाकामनामा सामुदायिक कुकुरले मानिसलाई टोक्न थालेपछि बन्ध्याकरण र रेविज विरुद्धको खोप अभियान सञ्चालन गरिएको गाउँपालिकाले जनाएको छ ।
फागुन २९, २०८०
फागुन २५, २०८०
फागुन २४, २०८०
कात्तिक १४, २०८१
